Продолжуваат активностите на ЦИВИЛ за Зелена иднина

Од денеска, па се до петок, ЦИВИЛ ќе организира јавни презентации на проектот Зелена иднина на неколку локации во Скопје.

Денеска, во центарот на Скопје, кај преминот Палета, граѓанките и граѓаните на инфо-штандот на ЦИВИЛ ќе имаат можност да се запознаат со целите на проектот, но и да дискутираат со ЦИВИЛите за зелените вредности, социјалната правда и антинационализмот.

Утре, инфо-штандот на ЦИВИЛ ќе се премести пред кафулето Гарсон, а во петок во Старата скопска чаршија. Инфо-штандовите започнуваат од 11 часот.

Јавните презентации се дел од проектот „Зелена иднина“ кој ЦИВИЛ го спроведува во соработка со канцеларијата на Хајнрих Бел во Сараево.

ЦИВИЛ - Тим за комуникации

Print Friendly, PDF & Email

Оваа вест е достапна и на: Albanian English