Караванот на слободата на ЦИВИЛ во медиумите

Со целодневен мултимедијален настан и прес-конференција, која се одржа на 21-ви јули во „Менада“, официјално започна проектот Караван на слободата, во имплементација на ЦИВИЛ - Центар за слобода, со поддршка од УСАИД. 

Настанот со кој се претстави проектот Караван на слободата, беше најавен и проследен од повеќе национални телевизии и веб-портали. Ден претходно, порталите Плус инфо, All events, Денес, Мактел и Where event,  известијa за содржината на настанот и за тоа што претставува Караван на слободата. Во делот посветен за настани кои се случуваат во државата на Тиме.мк, исто така беше најавен мултимедијалниот настан на ЦИВИЛ. Телевизиите ТВ 21 и Телма, во својот дневник, го претставија проектот, а направија и повеќе интервјуа со дел од уметниците кои беа присутни на овој настан. Веб порталот Будност, исто така објави текст за тоа како помина настанот во Менада, во организација на ЦИВИЛ. Настанот беше најавен и на веб порталите на албански јазик, Ина, Журнал,  Тетова Сот, Газета експрес и Телеграфи.

Следниот ден, на 22 јуни, три екипи на ЦИВИЛ, одржаа прес - конференции во Прилеп, Тетово и Струмица, каде пред локалните медиуми, невладините организации и уметниците од овие градови, го најави проектот и настаните кои ќе се одржат во овие градови.

Прес-конференцијата во Прилеп, на која зборуваше Моника Талеска од ЦИВИЛ, беше проследена и објавена на веб порталите Народен глас, Патоказ и Револуционер. Најавата на проектот во Прилеп, беше дел и од дневникот на ТВ Лажани, а беше проследена и од Радио Холидеј.

Претставувањето на Караван на слободата во Тетово, беше проследено од повеќе локални медиуми на македонски и албански јазик. Претходно гостувањето на ЦИВИЛ во овој град, го најави веб порталот Кис. Регионалната телевизија Коха, објави видео прилог од прес-конференцијата на која Петрит Сарачини, координаторот на проектот, ги најави следните настани во рамки на Караванот на слободата.

ТВ Вис, Телевизија Интел, радиото Струмица нет и веб порталот Струмица денес, ја проследија и објавија видео вест од посетата на ЦИВИЛ во Струмица, каде пред локалните медиуми се обрати Синиша Станковиќ, уредник на ЦИВИЛ Медиа.  ТВ Вис направи и интервју со уредникот на ЦИВИЛ Медиа, за Караванот на слободата и заактелната политичка криза во државата.

Караванот на слободата на ЦИВИЛ, ќе го искористи влијанието на уметноста и културата, за да ја разбуди граѓанската свест и граѓанското учество. Тоа е динамичен мултимедијален проект, што поттикнува учество на граѓан(к)ите во процесот на донесување одлуки на локално и национално ниво.

М. Теговска