Експертски панел на ЦИВИЛ: Плурализмот и политичката криза

ЦИВИЛ – Центар за слобода организира експертска панел дискусија под наслов „Плурализмот и политичката криза“ на 17 март (четврток) во хотел Сити Парк, со почеток во 12 часот.

Учесници на панел дискусијата се реномирани експерти кои ќе ги претстават своите експертизи за политичката криза и за изборниот процес во земјата. Целта на оваа дискусија е да се придонесе кон развивање на плуралистички амбиент и дебата во општеството, преку претставување на различни ставови на експертската заедница.

Н.Е. Амбасадорката на Сојузна Република Германија д-р Кристине Д. Алтхаузер ќе ја отвори дискусијата со свое воведно обраќање.

Овој настан е дел од проектот Слободни избори за слободни граѓанки и граѓани, финансиран од Министерството за надворешни работи на Сојузна Република Германија.