Битолчани по осми пат протестира денеска. Протестот на Граѓанскиот пленум започна со собир во 19 часот, а како што информираат набљудувачите на ЦИВИЛ - Центар за слобода од терен, одлучено било демонстрантите да се движат по Широк Сокак, да стигнат до крстосницата кај ,,Гроздот“ и да ја блокираат.
Собирот продолжува утре, повторно пред Офицерски дом. Маршрутата која е договорена за деветтиот протест е Широк Сокак, плоштад „Магнолија„ и планирано е да се заврши пред зградата на Општина Битола.
Според информациите од мобилниот тим на ЦИВИЛ, ОК на СДСМ од Битола, одлучил поради безбедносни причини да не испраќа свои членови на протестот во Скопје.
Истовремено на почетокотна Широк Сокак, по трет пат се одржа контра-протест, на кој присуствуваа неколку стотици граѓанки и граѓани. Двата протести завршија мирно.