Македонски
Shqip
English
Четврток, 14 мај, ГЕМ, 11 часот
ЦИВИЛ – Центар за слобода, организира дебата на тема КРИЗА ВО МАКЕДОНИЈА на која ќе се разменат информации и ставови за политичката ситуација во земјата и состојбата со човековите права и слободи.
Длабоката политичка криза во Македонија, од една страна, и континуираната политичка кампања која доминира во македонските медиуми и општеството во целина, од друга страна, кулминира со безбедносна криза во Куманово. Ќе дебатираме за прашањата:
Кои се одговорните чинители за политичките состојби во земјата?
Дали безбедносната криза во Куманово ќе влијае врз интензитетот на граѓанското незадоволство и протестите закажани за 17 мај?
Каква е перспективата на Македонија?
Овој настан се организира во рамките на проектот МОЕТО ГЛАСАЧКО ПРАВО, на кој ќе се презентираат и извештаите на мониторинг тимовите на ЦИВИЛ за политичката ситуација во контекст на гласачкото право и човековите права воопшто. Во оваа прилика ќе се презентира и целосниот извештај на ЦИВИЛ од набљудувањето на спроведувањето на референдумот за ГТЦ.
Како и секогаш, овој настан е отворен за медиумите, претставниците на граѓанското општество, политичките партии, институциите и други заинтересирани страни.
Повеќе информации на:
02/5209176
