Питер Ванхауте до Филип Петровски: Добро ја разбравме вашата порака!

По Фејсбук статусот на Филип Петровски, со обвинувања за сведокот кој сведочеше на седницата на ДИК, во врска со нерегуларностите на изборите во Теарце, се огласи и меѓународниот посредник во пржинските преговори, Питер Ванхауте.

На објавата на Петровски, Ванхојте кусо искоментира: „Господине Петровски, добро ја разбравме вашата порака! Ова е неприфатливо, дотолку што доаѓа од висок државен функционер. Во нормална демократија, ваквите луѓе веднаш би биле уапсени и затворени на подолг период“.

На тоа Петровски одговори: „Добив закана од мачкарот Ванхојте и тоа со затвор. Ова отприлика објаснува како резонира радикалната левица и што им беше планот со Македонија. Разнебитување и преки суд за неистомислениците. Е па, гос'н Хојте, ние сме имале еден таков тука, се викаше Вукмановиќ Темпо. Он правеше масовни ликвидации на Македонци и патриоти. Така што не кажувате ништо ново. Утре ќе ви одговорам опсежно и директно во видео“.